我在華僑日報工作的日子。[1992-95]

============================
我 教父Steven Yan 讀者極多,
敦請...經常上來我的 Blog-diary 瀏覽。
You're welcome to visit my Blog site,
http://yansteven.blogspot.com/
there are 4 parts of my Blog :
Jan.06 / Feb.06 / Mar.06 & Apr.06
本blog-site 文句是以香港中文文句寫出。
My name : Steven Yan
Orig. name : [諒虜],
Forums user name : 教父[諒虜]
yansteven@aol.com
godfatherhongkong@yahoo.com
亞洲網壇 教父 : 特此向好網友致謝。
=============================

我在華僑日報工作的日子。
[1992-95]


StevenYan教父[諒虜]：我在華僑日報的日子．．懷念幾位默默通宵耕耘的員工。
１）陳洪
２）阿周（明哥）
３）阿林
４）阿譚

(April 27, 2006)
------------------------------------
(April 28, 2006)

Steven Yan教父[諒虜] : 陳洪．．（通宵工作），發行部主任。初見陳洪，我還以為他就是王澤筆下的「大蕃薯」，他的樣子真的像老夫子的老友「大蕃薯」，頭很大，頗胖，人很和藹可親，認識他真的學到不少大道理。

Steven Yan教父[諒虜] : 陳洪.. 是一位盡忠職守的發行部主管, 他每日凌晨必早到報館, 又例必遲走; 華僑日報每朝 3am 就要印報紙, 有時因為有突發新聞要作最後編輯, 稍一遲印, 他就在機房內焦急, 騰來騰去, 有時急到額頭冒汗。他還要面對一班報紙檔的分銷商, 幾個地頭的承包付運貨 van 已在等候, 報紙印好會在運輸帶送出, 這班貨 van 司機點算數目, 攞夠數就開車送往各區散發給各報販。

(April 28, 2006)
-------------------------------------
(April 29, 2006)

Steven Yan教父[諒虜] : 陳洪...我見陳洪視報館為家, 華僑日報在上環舊址時, 印好的報紙還要用手推車推出, 還要乘升降機才逹至街外搬上報販的貨 van, 我經常見陳洪親力親為幫手推報紙。後來華僑日報搬至鰂魚涌糖廠街南華早報大樓, 印好的報紙經過迴轉的運輪帶送出, 才免卻推手推車之苦。發行部有4 架印有「華僑日報」標記的車, 一部是藍色的旅行房車, 一部是白色自動波的小轎車...等。這 4 部車每朝 5am 都由陳洪指揮, 着令司機將華僑日報的不同份數送往 : 機場; / 各訂閱學校; / 酒店; / 社團客戶。。等。

Steven Yan教父[諒虜] : 陳洪．．陳洪 先生在華僑日報工作，是報恩心態，佢同我講當年佢娶新抱，老闆幫過佢。

我亦同 陳洪 講，我回來華僑日報幫手，也是報恩，因為我當年讀書係靠「華僑日報獎助學金」。

我們大家都惺惺相惜，互相敬重。

(April 29, 2006)
--------------------------------------
(April 30, 2006)

Steven Yan教父[諒虜] : 2) 阿周 (明哥) ... 香港大學畢業, 具正義感, 自從華僑日報遷往鰂魚涌南華早報大樓後, 他一直不滿「南華早報」對待「華僑日報」是「二奶仔」一般。

他不明白這個世界上寄人籬下就是這樣, 世態炎涼啊 !

記於 April 30, 2006 New York USA.
4:43pm


.... 未完待續 .....


Steven Yan [阿毙] with love :flower:
sent from New York USA
Queens Elmhurst
NY11373
yansteven@aol.com
aol = America on line
April 27, 2006
.

我靠「彈結他」搵２餐的日子。

StevenYan教父[諒虜]：I came from streets....我自小貧窮, 經過燒臘店門前必停步, 對着燒鵝脾流口水, 發誓有朝一日發跡有錢買來吃餐飽。我樣樣都肯學, 結他..魔術..駕駛..攝影..修理...

我靠「彈結他」搵２餐的日子。

我曾在中級餐廳 [ 如 sing-a-long ] 的地方靠「彈結他」搵２餐, 而且逢週末都走幾個場, 每個場一至兩小時, 但感受不是味兒, 我在彈結他, 又接受點曲, 又接受壽星公點奏「生日歌」, 但進餐者沒有在細聽或欣賞, 他們只在聊天, 大吃大喝, 甚至有人在猜媒, 不管我彈得啱或是彈錯, 他們都不知曉。

StevenYan教父[諒虜]：形勢我是瞭解的, 客人來進餐, 不是參加「音樂會」, 餐廳老闆不播放唱片而要搵人在場演奏音樂, 是想提高餐廳的級數; 與我分別走場的一位「鋼琴家」也有我的感受, 我們一起走場, 我在 B 場他在 A 場, 我到 C 場, 他到 B 場, 就像學校的老師轉堂一樣。我們曾惺惺相惜, 大家都睇得好開....
「搵２餐啫」, 我們都在苦笑。

StevenYan教父[諒虜]：有一次, 一位喝得半醉的顧客, 走上台來, 一手搶去我的西班牙木結他, 老闆在場, 上來同我講 : 「讓他！讓他！ 」
結果我靠邊站, 這位顧客對住個咪, 亂彈我心愛的結他, 破口大唱 : 「你媽大減價...益你阿爸...」, 台下他同枱的朋友竟然站起身拍手鬼叫歡呼發瘋....
我的「西班牙木結他」給他亂彈, 連第 b 第 e 弦線都斷了。

.... 未完待續 ....


Steven Yan [阿毙] with love :flower:
sent from New York USA
Queens Elmhurst
NY11373
yansteven@aol.com
aol = America on line
April 26, 2006
別忘了瀏覽我其他月份的貼文。
2006年1月至5月份共５Pages。
Don’t forget my other pages :
January 2006 to May 2006
.

我在「香港影壇」的日子。

. =============================
我 教父Steven Yan 讀者極多,
敦請...經常上來我的 Blog-diary 瀏覽。
You're welcome to visit my Blog site,
http://yansteven.blogspot.com/
there are 4 parts of my Blog :
Jan.06 / Feb.06 / Mar.06 & Apr.06
本Blog-site 文句是以香港中文文句寫出。
My name : Steven Yan
Orig. name : [諒虜],
Forums user name : 教父[諒虜]
亞洲網壇教父 : 特此向好網友讀者致謝。
==============================







年青時的
StevenYan
教父[諒虜]
乳名「阿毙」
[死剩種咁解]

StevenYan教父[諒虜]：我有兩次機會入香港娛樂圈, 但都在深思熟慮後婉拒了。
第一次在拍嶺光公司「學生王子」時, 當時與鄧光榮, 丁塋, 泰迪羅賓 等人頗熟, 而我又是結他手, 拍戲時, 亦與泰迪羅賓即場夾 band 錄音學生王子主題曲及配樂;

===================================

I joined-in this movie in 1964
1964年我參與這部電影「學生王子」做配角..
當年和鄧光榮拍電影
http://www.youtube.com/watch?v=ARCzGY7A9t4

嶺光公司製作....好精彩勿錯過..
YanSteven

===================================

待這部電影拍竣, 上演期間, 有機會與嶺光公司簽影員合約, 但我還是選擇往台灣讀大學而婉拒了。screen.width*0.7) {this.resized=true; this.width=screen.width*0.7; this.alt='Click here to open new window';}" border=0>













June 1971
Steven Yan
畢業於台灣
國立成功大學
NCKUTaiwan



(April 23, 2006)
----------------------------------------------
(April 24, 2006)

StevenYan教父[諒虜]：第二次是何守信在浸會書院教體育時, 佢當時在無線講摔角旁白, 口口聲聲「君子馬蘭奴」, 觀眾越來越多, 後來更全職在無線工作, 當時我亦經常在無線餐廳與他共飲下午茶。佢曾提議我加入無線工作, 當時尚有藝員訓練班, 好多野學, 但我已由台灣畢業回港, 另有發展計劃, 我話 : 「如果我入娛樂圈, 就唔會咁辛苦捱四年大學啦 !」
而且我認為「藝員生涯」好景不會長久, 人老珠黃會不值錢。
結果我入職「香港通用電子公司 GE Electronics Co. 」大量生產珍寶袖珍收音機仔。[開25條 lines]。
另方面私人開辦紅牌轉的士的「的士公司」。
當年一架的士只值hk$62000 [今日已值200多萬]。

(April 24, 2006)
-------------------------------------------

StevenYan教父[諒虜]：水銀燈下的世界與銀幕出鏡的世界是天壤之別。嶺光公司拍攝廠內，人人都很忙，但人人都有其職責，地上很亂，但這些都不會攝入鏡頭，觀眾能看到的盡是美好的一面；
一分鐘前演員仍在嗌大交，一聲 camera ！兄弟就手足情深, 情侣就如膠似漆, 笑容滿面. 還可以來幾個濕吻; 導演一聲 cut，再來嗌過你死我活。
天花板上的射燈觀眾是看不到的，工作人員的粗口觀眾是聽不到的，兩個廠拍緊不同的戲，但主角同一人要走兩個場，這邊做俠士，那邊做殺手，或這邊做警察，那邊做通緝犯;
真的是人生如戲．．戲如人生了。

............. 未完待續 .............

StevenYan教父[諒虜]：拍攝「學生王子」時, 導演一聲 camera 就真係唔講得笑, 之前點玩點嘈都得, 但一開機就要靜晒, 因為一個鏡頭可能只拍一分鐘, 準備功夫要成個鐘頭, 如果拍攝時有人咳嗽, 或打爛野, 就真係大件事, NG 再來, 成百尺菲林就唔要得。
當時丁塋好紅, 代表作有「工廠皇后」; 鄧光榮就真係學生哥, 非常靚仔, 佢讀新法書院, 我讀永康中學, 大家同級唔同校; 現今鄧光榮做咗影壇大哥大, 實至名歸。
鄧光榮身高６呎１吋，高大威猛，有型靚仔，風度翩翩，有修養。與他相識是學校足球校隊經常相約在天光道鄧鏡波學校大球場作賽。丁瑩出道甚早，具豐富拍戲經驗，她的廣大影迷是當時工廠年青女工；丁瑩非常上鏡，明眸俐齒，笑容可掬。當時鄧光榮和她做對手戲，可算是師姐與徒弟。

但後來「鄧光榮」的名氣後來居上。

〔當年影壇歌壇事，諒虜知。）

ｐｓ．本主題是「諒虜傳」內其中一章。
．．．所有相片是我 諒虜 本人（影於不同年份）
．．．五湖四海內識我 教父[諒虜] 者知我是誰。
．．．敬請勿講出我 教父 HKID 真姓名。
．．．本 Blog-site 文句是以香港中文文筆寫出。

StevenYan教父[諒虜]：泰迪羅賓是香港第一結他手，也是我心中最崇拜的香港樂壇奇材，他雖然身裁瘦削，但手指在結他弦線上飛舞，靈巧而音位準確，令人咋舌。當時在嶺光公司拍攝廠內即場錄音，沒有隔音設備，在場人等一律肅靜，屏息以待，Tedy 藝高人膽大，由頭帶到落尾，毫無錯漏，一Ｑ攪掂，不用NG，全場鼓掌。

......... 未完待續 ..............


Steven Yan with love :flower:
sent from New York USA
Queens Elmhurst
NY11373
yansteven@aol.com
aol = America on line
April 23, 2006
.

我的「九流經濟學」..逐個階段講。

==============================
我 教父Steven Yan 讀者極多,
敦請...經常上來我的 Blog-diary 瀏覽。
You're welcome to visit my Blog site,
http://yansteven.blogspot.com/
there are 4 parts of my Blog :
Jan.06 / Feb.06 / Mar.06 & Apr.06
my name:Steven Yan
Orig. name : [諒虜],
Forums user name : 教父[諒虜]
網壇 教父 : 特此致謝。
==============================


我的九流經濟學

分５階段


今日的StevenYan
教父[諒虜] 英姿。
2006年僑居紐約
今日的 StevenYan
網壇教父[諒虜] .已是老江湖。[ 上岸 ] 。

Steven 的九流經濟學 ： April 22, 2006

〔 五大階段 〕

１）勞而不穫．．白做〔初出茅廬, 學徒階段〕。

２）多勞少得．．做來做去都不夠食飯。

３）多勞多得．．做一天有一天薪水，不做
................................就沒有。

４）少勞多得．．開開會，指指點點就賺幾十萬。

５）不勞而穫．．根本不用做，錢天天滾滾而來。
...............................〔如石油大王〕

(April 22, 2006)
----------------------------------------
(April 23, 2006)

[第一階段] : 勞而不穫的人當然唔會發逹, 但要努力跳出這個階段, 當充實自己以後, 立即嘗試多勞少得的工種, 不要永遠拍手無塵, 清風兩袖。

[第二階段] : 這個階段只是短暫性, 千萬別一輩子停留原地踏步。如果你有不良嗜好, 就慘了, 錢花去賭, 去嫖, 未富先驕, 就會永遠貧窮, 年老無依。

[第三階段] : 多勞多得, 比較公平啲, 出咗半斤力得番八兩金, 算係唔錯, 但離發逹尚遠, 因為一旦失業, 就無入息, 吃穀種很快就回去第一階段。年輕力壯從頭起步還有心有力, 若然年過半百才失業, 就慘了。年老仲要搵野做, 見工時人地會話 : 「阿伯爺公, 番屋企揍孫啦 ! 仲做?」..... ( 廣東話對白。)

...真係臨老唔過得世咯 !

(April 23, 2006)
----------------------------------------
(April 25, 2006)

[第四階段] : 少勞多得, 就一定要投資自己的業務, 做高官也不行, (大陸的貪官除外), 但投資不能錯, 否則 Business can kill you !
投資的事業上了軌道, 就可以做 Big brain 主腦策劃人, 只要指指點點, 領導一班智囊開會, 一個 Programme 就可以賺他十萬甚至百萬甚至千萬。

(April 25, 2006)
----------------------------------------

......... 未完待續 .........

Steven Yan [阿毙] with love :flower:
sent from New York USA
Queens Elmhurst
NY11373
yansteven@aol.com
aol = America on line
April 22, 2006
別忘了瀏覽我其他月份的貼文。
2006年1月至5月份共５Pages。
Don’t forget my other pages :
January 2006 to May 2006
.

我的論文..「年齡」「財富」

===========================
我 教父Steven Yan 讀者極多,
敦請...經常上來我的 Blog-diary 瀏覽。
You're welcome to visit my Blog site,
http://yansteven.blogspot.com/
there are 4 parts of my Blog :
Jan.06 / Feb.06 / Mar.06 & Apr.06
本blog-site 文句是以香港中文文句寫出。
My name:Steven Yan
Orig. name : [諒虜],
Forums user name : 教父[諒虜]
亞洲網壇教父 特此向好網友讀者致謝。
===========================
StevenYan
教父[諒虜]
論文:[年齡]

人的年齡有:
1) 出生年齡
2) 經歷年齡
3) 健康年齡




少年時
StevenYan
教父[諒虜]

1) 出生年齡...活一年記一歲, 是為出生年齡;
活十年就是十歲, 活卅年就是卅歲。極易明白。

2) 經歷年齡...有人經歷多, 有人經歷少, 出入往往極大;
有人環遊世界博覽全球半生, 有人隱居與世隔絕半生,
經歷出入極大。 (April 17, 2006)

經歷過生離死別及戰爭的人他的經歷年齡超乎百歲。
足不出戶飽食終日無所事事的人年齡只停在幼年。

3) 健康年齡...人的體質各有不同, 有人體弱多病,一年
365.4日病足300多日, 雖然廿零歲, 但已經未老先衰,
拉水沖廁都冇力, 慘過春風無力百花殘。

但亦有老叟好似黃飛鴻咁, 石堅都打死幾個,景陽崗的
吊睛白額虎都俾佢打到變柿餅; 咁佢雖然一把年紀,
其實佢同少壯派沒有兩樣。(April 18, 2006)

[自謔] : 我 諒虜 就真的老了, 門牙一隻都冇, 頭髮已經唔
使點梳, 以前單手可以推着架錢七, 如今一定要用雙手落力
推至得; 今日阿黃架錢七死火, 我喺後面幫手推, 點知推到
架車4 個 brake 出煙, 唉！原來佢死踩住個 brake 唔放,
攪到我推 到個車尾冚都 nip 咗。(April 19, 2006)

所以在我旗下工作的員工, 我不會計較他們的出生年齡, 我只看他們的經歷年齡和健康年齡, 沒有經驗的人我不能給與重任; 沒有健康的人更不能勝任工作。我不會叫健康而有豐富經驗的人退休, 因為他們在我眼中永遠年輕, 反而一個卅歲的人, 病到七彩, 在我眼中才是老人。

(April 21, 2006)
============================

Steven Yan 教父[諒虜]
論文：「財富」。

人的財富有３:
1) 小富
2) 中富
3) 大富







少年 StevenYan

人除靠父蔭外, 一出生就大富大貴者極少。
往往在少年時都很窮苦, 到他有財富時, 已老了。

1) 小富..勤儉持家, 不嫖賭飲蕩吹...略有積蓄
衣食無憂成小富翁。

2) 中富...大毒梟跛豪晚年才悟出人生玄機: >>富貴由天;
可惜他領悟得太遲了。想由小富轉變成「中富」, 在勤力
的背後還要加上「有頭腦」。
勤力是基本要做到, 但勤力的人並不一定能成中富,新界
的牛夠勤力, 但勤勞一生, 仍遭人剝皮拆骨, 一無所有。

世界上貧者最多, 小富已不易, 做到中富更難, 大富更是鳳毛麟角, 已可以在世界富翁榜上排名了。

人人想由貧變富, 富變鉅富, 但他們不知道要具備以下條件 : 從不失信, 開出的支票必兌現, 電話必聽, 赴約準時, 24小時可以不休息, 隨時可以出動解決問題, 思路敏捷, 不樹敵, 重義不出賣朋友, 不賭不吸毒不浪費, 懂得投資。

很多人貧窮一輩子, 在怨命; 找我 Steven 問原因, 我跟他說, 我知道原因, 但不能講, 講了「你我」沒朋友做。

我的第 3 個 degree 就是心理學(HKU 1979), 人性我瞭解, 對不適合的人講真心話會沒朋友做, 古時忠臣對皇帝講真心話連腦袋都要搬家。

(April 23, 2006)
-----------------------------------
(April 24, 2006)

3) 大富...做人能做到大富, 就真係唔講得笑(不簡單的意思)。一定要配合天時, 地利, 人和, 缺一不可。身家沒有過億的, 不能沾「大富」的專用名詞。幾百萬只能算「小富」; 幾千萬財產只屬於「中富」;


(April 25, 2006)
-----------------------------------


... 未完待續 ........


教父[諒虜]Steven Yan 字。
sent from New York USA
Queens Elmhurst NY11373
yansteven@aol.com
aol = America on line
April 17, 2006
.

紀念「耶穌受難」日...April 14, 2006.

紀念「耶穌受難」日...April 14, 2006.
==========================
我 教父Steven Yan 讀者極多, 敦請...
經常上來我的 Blog-diary 瀏覽。
You're welcome to visit my Blog site,
http://yansteven.blogspot.com/
there are 4 parts of my Blog :
Jan.06 / Feb.06 / Mar.06 & Apr.06
my name:Steven Yan
Orig. name : [諒虜],
Forums user name : 教父[諒虜]
特此致謝。
==========================
別忘了瀏覽我其他月份的貼文。
2006年1月至5月份共５Pages。
Don’t forget my other pages :
January 2006 to May 2006
==========================
.

我的美國屋怪談。

我的美國屋怪談。
(93-22 BB house)




我在紐約 Elmhurst 最高峰時擁有
17 間大屋, 其中有 5 間怪事連篇。
這 5 間屋的門牌號碼分別是 :
93-22...baby house
50-10...lucky house
94-36...Trouble house
34-30
93-25

以往 10 年發生的事, 無法用科學解釋,
記者都來訪問多次,

現逐一講述 :

93-22 屋是一間古老大屋, 我於
1999 年買入, 買入時這間屋已有97年
屋齡; 屬於遺產屋, 原屋主89高齡死了,
她本身無兒無女, 由於沒訂遺囑, 由法
庭判給她姪女, 但她姪女住外州
「科利逹」, 不住紐約, 所以不想擁有,
交由拍賣行拍賣, 我律師代表我去出價
25萬美元一錘購得。[沒有人還價]。

1999年這間屋裝修了五個月, 丟出的
垃圾堆積如山, 十個貨斗車都裝唔晒,
工人在土庫內竟然發現兩個木乃伊及
三個生锈鐵箱。

(April 13, 2006)
-----------------------------------
(April 14, 2006)

兩個木乃伊交由警方處理, 當時屋前
真個熱鬧, 多部藍警車, 消防隊, amb.
採訪者到齊。

而三個生锈鐵箱由我律師到場打開,
裡面盡是有價證券。
[交由我律師處理]。

這間屋裝修好就出租, 住客陸續搬入,
奇怪的事發生。

(April 14, 2006)
------------------------------------
(April 15, 2006)

二樓先搬來一隊樂隊，４男４女是４對年青夫婦；
三樓是一個大家庭有爺爺嫲嫲，仔及媳婦，女及
女婿；一樓是一班 amigo & amiga 共10人分租，
他們 share 租金。

不久，好消息傳來，住在二樓的４對夫婦同時
懷孕大肚..再過多半個月，三樓的兒媳及女兒也
宣告懷孕大肚..最奇怪是一樓的其中３個 amiga
個個都有喜..

由1999年尾他們搬入來這間屋至今總共已有24
位baby出世，最令人驚訝的是，連他們渴望生
baby 的朋友過來住一頭半個月都懷孕;

所以這間屋現在被鄰居呼為 baby house.

(April 15, 2006)
-------------------------------------
(April 16, 2006)

由於這間屋babies 越來越多, housing dept.經常
來查,通知我所有窗戶(幾十個窗框)要加裝安全
圍欄,安全樓梯扶手, 禁止有油漆剝落, 要換晒新
銅喉銅水管..等,

醫院的外勸輔導服務員也川流不息的到訪,

這 2 年開始有多輛學校的黃色巴士每朝在屋外
列隊等候,接送學童返學放學, 令成個 blocks 的
交通暫時停頓；

這間屋連外來貓也來趁熱鬧, 在我的 garage 內
生咗「幾窩」baby cats．

〔附註〕：
lucky house : 幸運屋。
baby house : 旺丁屋。
amigo : 講西班牙話的男士。
amiga : 講西班牙話的女士。
(來自西班牙,墨西哥,阿根庭,波多黎各...等地)
amb : ambulance 救護車
housing dept. : 房屋署。
block : 4 條街圍住的建築物叫做一個 block.
garage : 車房。
share : 平分租金。
y2k : 2000年

... 接着講 50-10 屋 ... 未完待續 ...

50-10 大屋,三層加土庫, 前後院加 8 parkings.

我自從買入該屋, 租客永遠住唔長久,他們住半年
就搬走, 墨西哥人返墨西哥, 阿根庭人返阿根庭,
每一層的住客都是一樣,皆因他們遷入後不久就
中 lotto [等於香港的mark six 六合彩]最高紀錄
的住客中了美金 11 millions, 即返佢祖家做富翁

(April 16, 2006)
-------------------------------------
(May 1, 2006)

94-36 大屋就真係好麻煩, 最初入住的是2位義大利女郎, 不久另一層又租給3位講西班牙話的女仕, 她們交租很準時, 但她們有很多男朋友, 我的屋前整天都有一班男仕在聊天。
有一天3部警察車停在屋前, 拉走我2位義大利女租客, 罪名是她們賣淫, 連我的 apartment 都封了封條; 我還要請我律師陪我上法庭申請解封令。
又過了不久, 警察車又來抓人, 將講西班牙話的女郎帶走, 罪名又是賣淫, 我的 apartment 又遭封條封住, 我又要請律師陪我上法庭申請解封令。
我律師提議以後租給夫婦的住客, 結果我每個 apartment 都租給夫婦住, 但好景不常, 警察又來封屋, 這次是整間屋子封掉, 為期3個月, 罪名是賣淫兼售賣大麻。

唉 ！這間屋子原來是旺這樣東西。


... 未完待續 ....

3430 屋...死得人多....

講到 3430 屋就真係邪...

3430 屋死得人多...買入時屋頂漏水,

又爆屎渠,

買咗之後至查出前屋主好耐冇交水費,

欠政府水費成 一萬三千多美元,

我搵人返來修理屋頂漏水...

第 2 日個裝修師傅就由屋頂跌落天井..死咗,

買屋時即買埋房屋全保,

保險公司賠咗俾佢家屬一大筆錢..

仲係庭外和解攪掂...

跟住成間屋三層分開出租俾唔同既家庭,

知點解...3 家人住住下都死人,

個個輪流辦喪事....喊苦喊忽...

我連租都收唔到。

唉 !!! 真係邪.....門 !

YanSteven

12月/6/2006

NY.

9325 間屋係最新.....1996年買入, 當時間屋只有 6年屋齡...紅磚屋, 人見人愛...靚屋..但係成日都累我上法庭..。

間屋原本冇問題....買時有個住客係千里達黑人唔肯搬走,佢答應我律師交吉後 2 個月才搵到地方搬,仲簽咗字俾我律師,間屋轉咗我做屋主後...佢由耶穌變做魔鬼...好麻煩...我律師發多封律師信俾佢..而佢就經常向法庭入紙投訴...19單咁多,次次都要我上法庭答辯..

YanSteven12月/7/2006NY

間屋原本冇問題....買時有個住客係千里達黑人唔肯搬走,佢答應我律師交吉後 2 個月才搵到地方搬,仲簽咗字俾我律師,間屋轉咗我做屋主後...佢由耶穌變做魔鬼...好麻煩...我律師發多封律師信俾佢..而佢就經常向法庭入紙投訴...19單咁多,次次都要我上法庭答辯..

YanSteven12月/7/2006NY

佢死咗啦 !!!最後我律師生氣...冒火因為次次我律師都陪我上庭...俾佢玩死咁滯... [ 前後 2 年 ]我律師攪掂佢....

我完全唔知。.---------

我律師叫我返香港一個月...保留機票票尾做証據...護照出入境要求蓋章...美國出境經常唔蓋章既...我返咗香港個幾月...再返黎紐約...個住客已經死咗成十幾日咁耐咯...中間發生乜野事...我完全唔知。

真係唔知。

佢留底 d 床舖...舊衫....警察 2 次上門找我問話...我出示旅行証件...我不在紐約...不在美國境內...。律師叫我講...: 「 I don't know ! Sir . 」

個住客唔係死喺我屋內, 喺死喺超巿停車場。

YanSteven12月/7/2006NY

繼續租俾人住...收租丫馬 !!唔通丟空養老鼠咩 !!!------------------------

學精咗....

千里達人唔租

波多黎各人唔租

多明尼加人唔租

哥林比亞人唔租

YanSteven12月/7/2006NY

讀者問 : 佢死係parking死因係乜?槍殺? 毒殺?

俾人打死...I don't know !

Steven Yan 諒虜 字。
sent from New York USA
Queens ElmhurstNY11373
yansteven@aol.com
aol = America on line
(April 13, 2006)

「八榮八恥」何以演繹 ?

You're welcome to visit my Blog site,
http://yansteven.blogspot.com/
there are 4 parts of my Blog :
Jan.06 / Feb.06 / Mar.06 & Apr.06
my name:Steven Yan
Orig. name : [諒虜],
Forums user name : 教父[諒虜]


「八榮八恥」何以演繹 ?





中共政權各部門近日發出通知，
要求全國人民學習中共總書記胡錦濤在兩會期間
提出的 : 「 八 榮 八 恥 」 :

以 熱 愛 祖 國 為 榮，以 危 害 祖 國 為 恥；
以 服 務 人 民 為 榮、以 背 離 人 民 為 恥；
以 崇 尚 科 學 為 榮，以 愚 昧 無 知 為 恥；
以 辛 勤 勞 動 為 榮、以 好 逸 惡 勞 為 恥；
以 團 結 互 助 為 榮，以 損 人 利 己 為 恥；
以 誠 實 守 信 為 榮，以 見 利 忘 義 為 恥；
以 遵 紀 守 法 為 榮，以 違 法 亂 紀 為 恥；
以 艱 苦 奮 鬥 為 榮、以 驕 奢 淫 逸 為 恥.

.... 逐一探討 .....

(April 1, 2006)
---------------------------------
(April 2, 2006)

熱 愛 祖 國...如何演繹 ?

可能一百個人各有不同的演繹;

檢起地上的垃圾可以話自己已..熱 愛 祖 國
但會有人話未算「熱 愛 祖 國」。

每個月將收入全送國庫亦會話..熱 愛 祖 國
但亦會遭人話未算「熱 愛 祖 國」。

我話係, 你話唔係, 可能相持不下,
大打出手, 不歡而散。

(April 2, 2006)
---------------------------------
(April 3, 2006)

服 務 人 民...如何演繹 ?

計程車司機每日開工接載乘客,
佢話日日為人民服務, 但有人話佢係為咗賺錢。

妓女都可以話服務人民, 但一定俾人唾罵羞家。

我話係, 你話唔係, 可能相持不下,
諸多拗撬, 最後不歡而散。

(April 3, 2006)
---------------------------------
(April 7, 2006)

崇 尚 科 學...如何演繹 ?

我用煤氣你燒柴,

我用電腦email你仲話要用飛鴿傳書...

工業革命你話係人人好逸惡勞;

可能又相持不下,
諸多拗撬, 最後不歡而散。

(April 7, 2006)
---------------------------------

YanSteven with love :love:
發文來自海外( 美國紐約 )
yansteven@aol.com
aol = America on line
.