無本生意發到啤啤聲...。

無本生意發到啤啤聲...。
.
1975年我有個的士司機撞車斷腳...跛下跛下咁...唔可以再楂的士,佢以前係跟我走白牌搵食既,我唔可以唔理佢,同佢安排咗喺工廠區搭個茶水檔...賣咖啡奶茶.....我同佢又搭通咗一間茶餐廳..我徒弟開既,日日供應俾佢隔夜既「咖啡渣」同飲剩既「奶茶幾桶」...人客飲剩就倒埋一桶桶...唔好嘥 !!麵包公司日日送麵包來, 唔使俾錢..住,賣幾多至計數, 仲有回尾...YanSteven12月/7/2006NY..
1975年我有個的士司機撞車斷腳...跛下跛下咁...唔可以再楂的士,佢以前係跟我走白牌搵食既,我唔可以唔理佢,同佢安排咗喺工廠區搭個茶水檔...賣咖啡奶茶.....我同佢又搭通咗一間茶餐廳..我徒弟開既,日日供應俾佢隔夜既「咖啡渣」同飲剩既「奶茶幾桶」...人客飲剩就倒埋一桶桶...唔好嘥 !!麵包公司日日送麵包來, 唔使俾錢..住,賣幾多至計數, 仲有回尾...

我同佢既茶水檔安咗個名叫做「正記」...因為 d 咖啡 同 奶茶 係百鳥歸巢...零啥正...我送咗個巨型熱咖啡壼俾佢,仲叫行家同佢喺梯底電箱度搭埋免費電俾佢...真係除咗佢出勞力...就真係無本生意。

工廠妹鍾意去「正記」...因為平過第 2 檔...返工時好多人黎飲咖啡或奶茶..順便打包幾件三文治或菠蘿包...雞尾包...真係晨早 6 點到 9 點做唔切...原來 d 百鳥歸巢咖啡同奶茶咁多人鍾意飲...哈哈哈 !!!

我當年經常去探佢.........自己友...佢唔會沖嗰 d 口水咖啡俾我飲既..食咗菠籮包我都照找數,唔可以搵自己人笨...我搵鬼佬笨就從不手軟。見佢一年多就喺官塘區買咗層 600呎既樓,我對伙記都算唔話得估勒 !!唔係咁...點出來行走江湖...??


YanSteven
12月/7/2006
NY.
.