我的失戀司機...[後悔一生]。

我的失戀司機...[後悔一生]。

.

十幾年前我的一位的士司機...開開心心的同我講, 佢女朋友答應嫁他了,我當然「鄧」佢開心, 度咗 3 萬銀俾佢結婚用...

約好見女方家長,佢執到好正, 完全唔似的士佬,我仲笑佢..: 「使唔使咁呀 ?」

見完家長後...!!佢喺度飲悶酒...粒聲唔出...嬲咗成村人咁,結果就飲醉咗...

[讀者問} : 原帖由 暖粒粒 於 2006-12-18 02:24 AM 發表臨結婚先見家長?之前冇見過甘怪ga......... .

[我答] : 佢唔想女方家長知佢係的士司機。有少少自卑。

佢酒後發晒脾氣...猛話...嫁女啫...宜家賣女咩 ??? xyz%@&幾個伙記傍住佢, 怕佢砍頭埋牆。

都係錢作怪 !!佢發晒盧騷....話女方要求幾多圍酒...幾多禮金...冇多十萬八萬都唔掂...咁話。

我同佢講, 唔使驚喎 !我度有, 娶咗佢番黎先啦 !!我叫佢先瞓.....錢銀我攪掂。

到咗第 2 日,我話再陪佢去見家長, 佢話唔去,我話錢銀問題解決咗啦 !!宜家仲有乜問題呀 ??幾個伙記又拖又拉, 卒之又去到女方屋企...唉 ! 真係令我難做人呀 !!又唔係我娶老婆 ??!!

女方唔肯開門...弊傢伙...。我地企喺屋外,苦苦要求開門...我仲話 : 「開門啦 ! 唔該...我地乜都答應啦 !!」

女仔鍊住度門講... : 「佢尋晚好牛精, 鬧我老豆老母...仲想郁手添...宜家我家長反對呢頭婚事, 你地扯啦 !!! 」我既司機又係牛精 d 既 !!見佢又想發老脾...幾乎想踢門咁滯..我地見冇得傾, 唯有走啦 !!一陣人地報警仲大鑊 !!

唉 !! 就係咁....跟住司機洪就失咗踪...成年...。我借俾佢 3 萬銀佢攞咗去玩失踪....周遊列國,扮瀟灑走一回...。

過咗一年...司機洪返來...真係人又冇...錢又冇...佢足足使左成 5 ~ 6萬銀...仲係光棍一條。咁又過咗2 年...

一日, 司機洪交更時...[ 的士交更係下午 4點半 ]我同司機洪行去劉森記食牛腩麵...在路上見到司機洪佢以前既女朋友...手拖住個 bb...歲零容光煥發...2 個面豬 dun 又紅又靚...呢個時候, 司機洪感嘆 : 「 本來呢個 bb 係我既 !!」

我真係笑唔出...。

時至今日...司機洪仲係寡佬一名。

酒席同禮金係死既, 人係生既 !!!佢唔答應得都可以話盡量想辦法..唔好發脾氣...事情一定可以解決既。反晒枱就冇得蠻...。佢宜家就真係後悔到極...

YanSteven
12/18/2006 NY.
.